![](https://blogger.googleusercontent.com/img/b/R29vZ2xl/AVvXsEjNt6jiuyodaXCRrn6wXg-eTze26pXZjWkQJNYLh2GC-0zsIysA7f3nc5c7KjRjNkNcDqKMLMuFRa2RlPeLBu5oHMxZHtml-JtxPbpOYSvOSnluGbDiFcOnrqxceFr3Lj_hCdRKcDZm5yn1/s320/dekk.jpg)
Bandarískur maður liggur nú á sjúkrahúsi töluvert slasaður með skotsár á báðum fótum. Maðurinn var að skipta um dekk á Lincoln Continental glæsikerrunni sinni og gat ekki með nokkru móti losað síðasta boltann.
Honum datt þá það snjallræði í hug að sækja haglabyssuna sína og láta vaða á felguna. Það þarf ekki að orðlengja um afleiðingarnar, höglin endurköstuðust í fæturna á honum, dekkið er ónýtt og boltinn situr enn sem fastast.
Talsmaður lögreglu í heimabæ mannsins sagði á blaðamannafundi að maðurinn væri enn staðráðinn í því að losa boltann, þegar hann kemst á fætur.